पथरी, मिस्टर नेपालको फाइनलमा पुगेका मोरङ पथरीशनिश्चरेका युवा प्रकाश चौहानलाई जिताउनका लागि पथरी जेसिजले भूमिका खेलिरहेको छ । मोरङ जिल्ला भरीको एकमात्रै प्रतिस्पर्धी भएकाले सबैले भोटगरी जिताउन पथरी जेसिजले आह्वान गरेको हो ।
पथरीशनिश्चरे—४ का प्रकाश चौहान मिस्टर नेपाल वर्ष २०२४ को फाइलनमा पुगेका छन् । भदौ पहिलो साता फाइनलहुने मिस्टर नेपालको नतिजा अनलाइन भोट बढी ल्याउने प्रतिस्पर्धीले जित्नेछन् ।
प्रकाश चौहान अडिसनको साथै बिभिन्न चरण पार गर्दै फाइनलमा प्रवेश गरेका हुन् । चौहानलाई जिताउन पथरी जेसीजले मंगलबार पत्रकार सम्मेलनको आयोजना गरी भोट अपिल गरेका हुन् ।
पथरी जेसीजका अध्यक्ष राज कुमारविश्वकर्माको सभापतित्वमा भएको पत्रकार सम्मेलनमा प्रतिस्पर्धी प्रकाश चौहानका बुवा गणेश चौहान, आमा प्रमिला र दिदी सरस्वती चौहानले भोट दिएर जिताउन अपिल गरेका हुन् ।
पत्रकार सम्मेलनमा पथरी उद्योग वाणिज्य संघको पूर्व अध्यक्ष पर्शुराम कार्की, जेसीज टिम लगायत उपस्थिति रहेको थिए ।
