राजेन्द्र महतो, लहान
प्रदेश २ मा शुक्रबार थप ४८ जनामा कोरोना संक्रमण पुष्टि भएको छ । सामाजिक विकास मन्त्रालयका अनुसार सबै भन्दा बढी सिरहामा २२ जना कोरोना संक्रमण पुष्टि भएका छन्। जसमध्ये जिल्ला कारागार सिरहामा रहेका १८ महिला, १ पुरुष गरि १९ जना कैदिबन्दि र लहान नगरपालिका वार्ड नं. ५, ९ र ११ मा १/१ जना गरी ३ जना सहित २२ जनामा कोरोना संक्रमण पुष्टि भएको हो।
त्यस्तै सप्तरीमा ६ जना, पर्सामा १, बारामा १, रौतहटमा ६, सर्लाहीमा ५ जना कोरोना संक्रमित थपिएका छन्। योसँगै यस प्रदेशमा संक्रमितको संख्या ११ हजार ७ सय १३ पुगेको छ। त्यसैगरि यस प्रदेश २ मा शुक्रबार २२ जना कोरोना जितेर घर फर्केका छन्। योसँगै यस प्रदेशमा निको भएर घर फर्किनेको संख्या ६ हजार २ सय ६९ पुगेको छ।
शुक्रबार कोरोनाबाट महोत्तरी बथनाहा टोल घर भइ जनकपुर उप महानगरपालिकामा बस्दै आएका ६५ वर्षीय पुरुषको मृत्यु भएको छ। योसंगै प्रदेश २ मा कोरोनाबाट मुत्यु हुनेको संख्या १ सय ८ पुगेको छ।
