स्याङ्जा : स्याङ्जा जिल्लाको पुतलीबजार नगरपालिका–८ बाहकोट निवासी ३३ वर्षीय अमितसिंह ठकुरी अबैध भरुवा बन्दुक सहित पक्राउ परेका छन् ।
ठकुरीको घरमा हातहतियार छ भन्ने गोप्य सूचनाको आधारमा स्याङ्जा प्रहरीले उनलाई हातहतियार सहित पक्राउ गरेको हो । ठकुरीले सुत्ने कोठामा लुकाइछिपाई राखेको अवस्थामा एक थान भरुवा बन्दुक सहित उनलाई प्रहरीले नियन्त्रणमा लिई थप अनुसन्धान शुरु गरेको छ ।
