मोरङ, मोरङको रतुवामाई नपाबाट बैदेशिक रोजगारीमा रहेका युवाहरुको समुहले नगरमा स्वरोजगारका काम गर्ने उद्देश्यले “रतुवामाई रोजगार समन्वय समिति” गठन गरेको छ । गटित समितिले विभिन्न वडाहरुमा आफ्ना सम्पर्क कार्यालयहरु स्थापना गरिरहेको छ । समितिले विहिबार वडा नं. ९, ६ र ५ मा गरेर ३ वटा वडामा सम्पर्क कार्यालय स्थापना गरेको समितिका सचिव मिलन बरालले जानकारी दिए ।
समितिले वडा नं. ९ को भौडाँहा, वडा नं. ६ को सौँठा, वडा नं. ५ को गोविन्दपुरमा सम्पर्क कार्यलय स्थापना गरेको हो । बैदेशिक रोजगारमा रहेका युवाहरुले आफ्नै नगरमा स्वरोजगारका लागि कृषिमा लगानी गर्ने मुख्य योजना बनाएका छन् । प्रवासको सीप र जुँजीलाई आफ्नै नगरमा खर्चेर स्वरोजगारका लागि उद्यम गरिने अध्यक्ष ठगेन्द्र न्यौपाने बताए । आगामी मंसिर महिना देखि समितिले उद्यमका कामहरु थाल्ने भएको छ । हाल प्रत्येक वडाहरुमा समिति, उपसमितिहरु, सम्पर्क कार्यालयहरु स्थापन गर्ने लगाएतका कामहरु भइरहेको सिजुवा उप समितिका सहसचिव रुपेश ढकालले जानकारी दिए ।
