राजेन्द्र महतो, लहान
सिरहामा एक दिने निशुल्क आँखा शिबिर सम्पन्न भएको छ ।
सिरहाको धनगढीमाई नगरपालिका तथा सगरमाथा चौधरी आँखा अस्पताल लहानको सहयोगमा एकीकृत विकास केन्द्र भवानीपुरद्वारा संचालित उक्त शिविरमा १८४ जनाले निःशुल्क आँखा जाँच गराएका छन् ।
धनगढीमाई नगरपालिका– २ भवानीपुरमा आयोजना गरेको सो शिविरमा १८४ जनाले आँखा जाँच गराएका मध्ये ४७ जना मोतियाविन्दुका बिरामी फेला परेको केन्द्रका कार्यक्रम संयोजक कपलेश्वर साहले बताएका छन् ।
मोतियाविन्दु फेला परेका बिरामीलाई उपचारका लागि सगरमाथा चौधरी आँखा अस्पताल लहानमा लगिएको छ । शिविरमा सगरमाथा चौधरी आँखा अस्पताल लहानका डा. राजकुमार यादव, अविनाश चौधरी, वीरेन्द्र साह लगायतको सहभागिता थियो ।
