सुमन श्रेष्ठ, अमरदह
प्रदेश स्तरीय तेस्रो अमरदह ढल्के जोवन गोल्डकपमा पूर्वाञ्चल भेट्रान दमक सेमी फाइनलमा प्रबेश गरेको छ । निर्धारित समयमा ०–१ गोल अन्तरले पारजित गर्दै दमकले सेमीको यात्रा तय गरेको हो ।
सगरमाथा भेट्रान विराटचोक पराजित हुदैँ खेलबाट बाहिरिएको छ । दमक भेट्रानका जर्सी नं. ९ का खेलाडी रोहित राईले गरेको गोल नै खेलको निर्णयक गोल हुन पुग्यो । खेलमा दुवै टिमले निकै राम्रा अवसरहरु पाएका थिए । तर दुवै टिमले सोचे जस्तो नतिजा निकाल्न सकेनन् ।
दमकका खेलाडी जर्सी नं. १६ का खेम पख्रेलले रेड कार्ड पाएपछि मैदान बाहिरिएका थिए । म्यान अफ द म्याच जर्सी नं. १३ का खेलाडी सचिन्द्र राई घोषित भए । बुधबारको अन्तिम क्वाटर फाइनल खेल धरान भेट्रान र इटहरी भेट्रान बिच हुने आयोजकले जनाएको छ ।
