सिरहामा एकै परिवारका दुई बालक पोखरीमा मृत फेला

सिरहामा एकै परिवारका दुई बालक पोखरीमा मृत फेला

राजेन्द्र महतो, लहान

सिरहामा एकै परिवारका दुई बालक पोखरीमा मृत अवस्थामा फेला परेका छन्। सिरहाको नरहा गाउँपालिका–३ खोरियाका गुलजार शेखका छोरा १० वर्षीय अनजार र ८ वर्षीय यहसानको शव गाउँदेखि करिव ७ सय मिटर पश्चिमतर्फ रहेको पोखरीमा तैरिरहेको अवस्थामा सोमबार बेलुका भेटिएका हुन्।

गाउँमा बालकहरु हराइरहेको हल्ला भए पछि खोजतलास गर्ने क्रममा बेलुकी ७ बजे गाउँलेले नै पोखरीमा तैरिरहेको अवस्थामा देखेको नरहा गाउँपालिका–३ का वडाध्यक्ष अनिसुल अन्सारीले बताएका छ्न् । घरबाट दिउँसो ३ बजेदेखि हराइरहेका उनीहरुको खोजतलास गर्ने क्रममा बेलुका स्थानीय पोखरीमा उनीहरुको शव भेटिएको ईलाका प्रहरी कार्यालय मिर्चैयाले जानकारी दिएको छ । दुवै बालकको डुबेरै मृत्यु भएको हुनसक्ने प्रहरीको अनुमान छ ।

घटनाका विषयमा थप अनुसन्धान भइरहेको जिल्ला प्रहरी कार्यालय सिरहाले जनाएको छ । दुवै बालकको शव पोस्टमार्टमका लागि रा.उ. अस्पताल लहानमा राखिएको छ।

सम्बन्धित खवर

%d bloggers like this:
%d bloggers like this: