पिट्सबर्ग च्यालेन्ज कप फुटबलको दोश्रो संस्करण मोरङ्गको पथरीशनिश्चरे १० मा यहि कार्तिक ११ बाट शुरु हुने भएको छ । तेश्रो मुलुक पुनर्स्थापना भएका भुटानी शरणार्थीहरुको आयोजनामा संचालन हुने प्रतियोगिता विभिन्न ८ वटा टोलिहरुको सहभागितामा कार्तिक १८ गते सम्म संचालन हुनेछ ।
प्रतियोगिताको विजेताले नगद २ लाख १ हजार र उपविजेताले १ लाख १ हजार रुपैयाँ प्राप्त गर्ने छ भने विधागत पुरस्कार तर्फ विभिन्न ७ विधाका विजेताले नगद ७ हजार ५ सय प्राप्त गर्नेछ ।
प्रतियोगिता आयोजक समिति संयोजक गणेश थक्लुङ लिम्बूका अनुसार प्रतियोगितामा दमक एकेडेमी, पथरी ११ एफसी, चारतारे एफसी९ लेटाङ्ग० , भुटानी शरणार्थी शिविर पथरीशनिश्चरे, बेलबारी एफसी, बेलडाँगी भुटानी शरणार्थी शिविर, जहदा एफसी र टेन नवोदय सहित८ टिमले सहभागिता जनाउनेछन्। प्रतियोगिताको अघिल्लो संस्करणको विजेता वेलवारी फुटबल क्लब रहेको थियो ।
प्रतियोगिता अवधिमा सौहार्दपुर्ण वातावरणमा खेल संचालन गर्न आवश्यक सुरक्षा व्यवस्था चुस्तदुरुस्त रहने इलाका प्रहरी कार्यालय पथरीका प्रमुख वेद प्रसाद गौतमले बताउनु भयो ।
