पथरीलाई २-१ गाेल अन्तरले हराउदै दमक अघिल्लो चरणमा

पथरीलाई २-१ गाेल अन्तरले हराउदै दमक अघिल्लो चरणमा

पथरी, मोरङ्गको पथरी शनिश्चरेमा जारी पिट्सबर्ग च्यालेन्ज कप फुटबल प्रतियोगितामा आजको खेलमा दमक फुटबल क्लबले पथरी फुटबल क्लबलाई २–१ गोलान्तरले पराजित गर्दै अघिल्लो चरणको यात्रा तय गरेको छ ।
खेल शुरु भएको ७ मिनेटमै दमकले खेलमा अग्रता लिएको थियो । किस्मत लिम्बूको गोलले अग्रता लिएको दमकका लागी खेलको ५१ औ मिनेटमा रोशन धिमालले थप गोल गर्दै टिमको अग्रता २–० को बनाएका थिए । खेलमा फर्कने प्रयास गरीरहेको पथरीले खेलको ६० औँ मिनेटमा १ गोल फर्काएता पनि थप गोल गर्न नसक्दा हार टार्न सकेन् । दमकले फल गरे पछि पथरीले पेनाल्टी प्रहारको अवसर पाएको थियो । सोही अवसरको सदुपयोग गर्दै पथरीका लागी निमन लिम्बूले गोल गरेका थिए ।
आजको खेलको मेन अफ द म्याच विजेता टिमका किस्मत लिम्बू घोषित हुदैँ नगद २ हजार ५ सय रुपैँया प्राप्त गरे । मेन अफ द म्याचलाई कार्यक्रमका प्रमुख अतिथि पञ्चायत माविका प्रधानाध्यापक अर्जुन कुमार बुढाथोकीले पुरस्कार प्रदान गर्नु भएको थियो ।
थ्री रिभर्स एफ.सी. अमेरिकाको आयोजनामा शुरु प्रतियोगितामा झापा, मोरङ र सुनसरीको ९ र भुटानी शरणार्थीको एक टिम गरी १० टिमले सहभागिता जनाउँदैछन। प्रतियोगीताका सम्पूर्ण खेलहरु पथरीशनिश्चरे १० मा रहेको खेल मैदानमा संचालन भइरहेका छन् ।
प्रतियोगिता अन्तर्गत भोलीको खेल बेलबारी फुटबल क्लब र राष्ट्रिय जागृति क्लब इटहरीबिच हुनेछ। बेलबारीले यस अघिको खेलमा प्रतिभा समाज सुधार यूवा क्लबलाई पराजित गरिसकेको छ भने राष्ट्रिय जागृति क्लब पहिलो खेल खेल्दैछ ।
प्रतियोगिताको प्रथम र दास्रो हुने टिमले क्रमशः १ लाख १ हजार र दोस्रोले ५१ हजार नगद ट्रफी, मेडल र प्रमाण–पत्र प्रदान गरिने प्रतियोगिता संयोजक गणेश थक्लुङ्गले जानकारी गराए ।
यस्तै प्रतियोगितामा हरेक खेलमा म्यान अफ द म्याच खेलाडीलाई २५ सय, विधागत रुपमा उत्कृष्ट गोलकिपर, उत्कृष्ट डिफेन्डर, उत्कृष्ट मिड फिल्डर, उत्कृष्ट फवार्ड र हाइस्कोररलाई क्रमशः ५ हजार र म्यान अफ द टुर्नामेन्टलाई नगद रु. १० हजार र ट्रफी प्रदान गरिने आयोजकले जनाएको छ । प्रतियोगीताको फाइनल खेल कार्तिक १९ गते हुनेछ ।

सम्बन्धित खवर