पथरी, मोरङको पथरीशनिश्चरे नगर क्षेत्रका विकास निर्माणका योजनाहरु स्टीमेट अनुसार नै काम गर्न उपमेयरले कडा निर्देशन दिएकी छन् । योजना अनुगमन समिति संयोजक समेत रहेकी यमुना विष्ट बास्तोलाले योजना चुस्त रुपमा सञ्चालन गर्न कडाईका साथ निर्देशन दिँदै अनुगमन् गरिरहेको पाइएको हो । समितिले पछिल्लो समयमा ३ वटा योजनाको अनुगमन गरेको छ ।
वडा नम्वर ३ मा आइतवारे दक्षिणमा कालोपत्रे भइरहेको सडकको संगमचोक क्षेत्रको केही भागमा केही पातलो कालोपत्रे गरिएको पाइएकाले त्यसलाई थप गर्ने निर्देशन सहित टोलीले सडक अनुगमन् गरेको हो । वास्तोलाको अगुवाईमा प्राविधिक सहितको टोलीले ५ नम्वरको मौलीबारीमा भएको सडक ग्राभेलको पनि अनुगमन गरेको छ ।
५ नम्वरको कोठेबारी मैनखाडी पुल निर्माण कार्य जारी रहेको अवस्थाको पनि अनुगमन गरेको समिति संयोजक वास्तोलाले जानकारी दिइन् । त्यसमा पनि भएका केही कमि कमजोरीलाई सुधार्नुपर्ने सुझाव बास्तोलाको छ ।
