नेपालको ईतिहासमा जेष्ठ महिना काहालिलाग्दो दिन रहेको पाईन्छ । जब जेष्ठ महिना आउछ अनि नेपाल र नेपालीले राजा बिरेन्द्रको परिवार र जननेता मदन भण्डारीलाई संझन्छन । नेपालको इतिहासमा २०५८ जेष्ठ १९ गते राजा बिरेन्द्रको परिवार र २०५० साल जेठ ३ गते जननेता मदन भण्डारी र जिवराज आश्रित मृत्यू भएको थियो । त्यस्तै २०७६ जेष्ठ ६ गते राति पाँचथरको मिक्लाजुङमा दुई परिवारका ९ जनाको सामुहिक हत्या भएको थियो ।
२०५० साल जेठ ३ एमालेका तत्कालीन महासचिव मदन भण्डारी र संगठन विभाग प्रमुख जिवराज आश्रित चढेको जीप दासढुंगा स्थित त्रिसुली नदीमा खसेको थियो । रहस्मय जीप दुर्घटनाको संज्ञा पाएको सो घटनाको अहिलेसम्म यथार्थता बाहिर आउन सकेको छैन ।
भण्डारी र आश्रितको रहस्यमय मृत्युबारे धेरै बहस भैसकेको छन । २३ वर्ष बिति सक्दा त्रिसुलीमा भित्र धेरै पानी बगिसक्यो तर सो रहस्यमय घटनाको सत्य बाहिर आउन सकेको छैन । अहिले जननेता भण्डारीको श्रीमती यो देशको सर्वच्चो स्थान राष्ट्रप्रमुख र उही पार्टी एमालेका अध्यक्ष केपी शर्मा ओली प्रधानमन्त्री रहेका छन् । तर भण्डारी र आश्रितको रहस्यमय हत्याकाण्डको यथार्थ रिपोर्ट बाहिर आउन सकेको छैन ।
यता जनताका लोकप्रिय राजा बिरेन्द्रका सिंगो बंश विनास भयो । त्यो हत्याकाण्ड सहस्यमय नै रहयो । यो समयको काल खण्डमा नेपाली आमाले जन्माएका धेरै नेता देशको उच्च स्थान प्रधानमंत्री बने तर कसैले पनि यो घटनाको बिषय मा एक शब्द बोल्न सकेनन सबै आफ्नै दुनो सोझ्याउन लागे । काल खण्ड बित्दै जादा १८ बर्ष बित्यो तर दरवार हत्याकाण्ड को रहस्य अझै सम्म खुल्न सकेन । हत्या पछी तत्कालिन प्रधानमंत्री गिरीजा प्रसाद कोइरालाले यो हत्या ब्राइन डिजाइन भनेका थिए तर त्यो ब्राइन डिजाइन कसले गर्यो र किन ? रहस्यको पर्दाफास उनले कहिल्यै गरेनन । गणतन्त्र आएपछी प्रधानमंत्री भएका पुष्प कमल दाहाल (प्रचण्ड) ले यो घटना को वारेमा सबै पर्दाफास गर्ने छु त भने तर उनले पनि केहि गर्न सकेनन । के साँच्चै नै यी घटनाहरु बाहिरिन नसक्ने हुन र ? सायद घटनालाइ बिस्तारै भुल्ने सिवाय केहि रहेन ।
तर पनि यस्ता घटनाहरु भने अहिले पनि यदाकता सुन्न पाईन्छ तर सारङगी बोकिहिड्ने गाईनेका मुख बाट । नेपाली जनताले सहजै बुझने र पत्याउने गरि देशको ईतिहासको गाथा गाउदै हिड्ने गरेका छन । ति गाईनेले बिर्सिदै गएको नेपालको ईतिहासलाई सारङगीको भाकामा गाउदा कस्को मन नरुला । भोजपुर जिल्ला जरायोटार जन्मेका गोबिन्द गन्दर्भ यतिबेला मोरङका बिभिन्न स्थानमा नेपालको इतिहासमा कायापलट हुने घटना गाउदै हिड्दै छन । जननेता मदन भण्डारी संग संगै खेलि खाएका गन्दर्भ भण्डारीको हत्या पछि एक सडक कविले लेखेर दिएको कवितालाई सारङगीको भाकामा गाउदै हिडिरहेका छन । गन्दर्भ आफ्नो गित मार्फत मदन भण्डारीको हत्या योजना बद्ध भएको भन्दै गित मार्फत यसरी सुनाउछन
