बादरमुढे घटनाको १४ वर्ष, पिडितले अझै राहत पाएनन्

बादरमुढे घटनाको  १४ वर्ष, पिडितले अझै राहत पाएनन्

तत्कालिन नेकपा माओवादीले चितवनको बाँदरमुढेमा यात्रुवाहक बसमा बम विस्फोट गराई ३८ जना सर्वसाधारणको हत्या गरेको थियो । सो दुखद् घटना घटेको आज १४ वर्ष पुरा भएको छ ।

सशस्त्र हिंसाका बेला माओवादीले थापेको विद्युतीय धरापमा परी २०६२ साल जेठ २३ गते ३८ जना सर्वसाधारणले ज्यान गुमाएका थिए भने ७५ जना घाइते भएका थिए । सो दिनलाई कालो दिनका रुपमा सम्झेर घटनामा मृत्यु हुनेहरुको सम्झनामा बाँदरमुढेमा वर्षेनी विशेष कार्यक्रमको आयोजना गर्ने गरिएको छ ।

१ सय ५० जना यात्रु बोकेर माडीको बगईबाट नारायणगढतर्फ जादैं गरेको ना १ ख ३२४५ नम्बरको यात्रुबस विस्फोटमा परेको थियो । घटना भएको १४ बर्ष पुग्दा पनि घटनाका पीडितहरुले भने उचित राहत पाउन सकेका छैनन् । घटनामा घाईते भएका मध्ये एक जनाले आत्महत्या समेत गरिसकेका छन् । हाल सम्म तीन जनाको उपचार नपाएर मृत्यु भएको छ ।

सम्बन्धित खवर