पथरी
विहान होस कि दिन रात होस कि साझ चर्का आवाज वजाएर मोटरसाइकल कुदाउने प्रति ट्राफिक प्रहरी पथरी ‘निर्मम’ वन्न थालेको छ । ट्राफिक प्रहरी पथरीको कमाण्ड समाल्न आएका प्रहरी सहायक निरीक्षक बाबुराम न्यौपाने एक्सनमा उत्रिएका छन् ।
मोटरसाइकलको साइलेन्सर पाइप ‘मोडीफाइ’ गरेर कुदाउने करिव दर्जन वडीलाई नियन्त्रणमा लिइएको छ । गत हप्ता मात्रै पथरी आइपुगेका न्यौपानेले शहर नै त्रासिद बनाएर मोटरसाईकल कुदाउने विरुद्ध एक्सन थालेपछि त्यस्ता मोटरसाइकल धनी ‘थान्का’ लाग्न थालेका छन् ।
प्रहरी यती निर्मम भएपछि यसरी मोटरसाइकल कुदाउने पनि सचेत हुन थालेका छन् ।
मोटरसाइकलमा तिनजना सवार गर्ने,मोटरसाइकल मोडीफाइ गरेर कुदाउने, हेल्मेट नलगाइ कुदाउने र मादक पर्दाथ सेवन गरेर मोटरसाइकल कुदाउने विरुद्ध ट्राफिक प्रहरीले अभियान नै सुरु गरेको हो ।
प्रहरी सहायक निरीक्षक न्यौपानेका अनुुसार सवारी नियम तोडने करिव ३ दर्जनलाई ४ दिन भित्रमा नियन्त्रणमा लिएर कारवाहि गरिएको छ । न्यौपानेका अनुसार सवारी चालक अनुमती पत्र नै वनाउने उमेर नभएका विद्यार्थीले लापरवाहि किसीमले पथरीमा मोटरसाइकल चलाउने गरेको र प्राय उनीहरुले नै मोटरसाइकलको साइलेन्सर पाइप मोडीफाइ गरेर चर्का आवाजमा सवारी चलाएको पाइएकाले यसको नियन्त्रणका लागी प्रहरी आक्रमक भएको हो ।
केही मावीका विद्यार्थी त्यस्तो कार्यमा वडि भेटिएकाले अव विद्यालयमा ट्राफिक सचेतना कार्यक्रम सन्चालन गरिने न्यौपानेले जानकारी दिए ।
स्थानीयवासीले पनि ट्राफिक प्रहरीको यस कदमलाई सकारात्मक रूपमा लिएका छन्। अनावश्यक आवाज निकाल्ने मोटरसाइकलका कारण विशेष गरी रातिको समयमा सर्वसाधारण हैरान हुने गरेका थिए ।
ट्राफिक प्रहरीले आगामी दिनमा पनि सडक अनुशासन, ध्वनि प्रदूषण नियन्त्रण तथा सुरक्षित यातायात व्यवस्थापनका लागि नियमित अनुगमन र कारबाहीलाई निरन्तरता दिने जनाएको छ ।
