पथरी
दोश्रो इन्ट्रा पथरीशनिश्चरे गोल्डकपमा ८ टिमको सहभागीता रहने भएको छ । तयारी पुरा भएको आयोजक पथरी ११ फुटबल क्लबले मंगलबार पत्रकार सम्मेलन गरेर जानकारी गराएको छ ।
पथरी रंगशालामा कार्तिक १५ बाट कार्तिक २२ सम्म सञ्चालन हुने गोल्डकपमा काठमाडौंका २ क्लब संकटा क्लब र न्युरोड टिम (एनआरटि) ललितपुरे क्लब ब्रिगेड ब्वाइज, सिरहाको सलहेस युवा क्लब, झापा ११ फुटबल क्लब, पाँचथर फुटबल क्लब, भारतको सिलीगुडी कञ्चनजंघा फुटबल क्लब भारत र आयोजक इन्ट्रा पथरी ११ फुटबल क्लब सहभागी हुने छन् ।
गोल्डकपको विजेताले ५ लाख नगद र ट्रफि प्राप्त गर्ने छ भने उपविजेताले २ लाख ५० हजार रुपयाँ प्राप्त गर्ने क्लबका अध्यक्ष सुमन विकले जानकारी दिए । गत वर्ष भन्दा पुरस्कार राशी समेत वृद्धि गरिएको हो । यस्तै विधागत रुपमा सर्वत्कृष्ट खेलाडी, उत्कृष्ट गोलकिपर, उत्कृष्ट डिफेन्डर, उत्कृष्ट मिडफिल्डर, उत्कृष्ट फरवर्ड र उत्कृष्ट प्रशिक्षकलाई पुरस्कृत गरिने भएको छ भने प्रत्येक खेलका म्यान अफ दि म्याचलाई पुरस्कृत गरिने भएको छ ।
करिव १० हजार दर्शकले गोल्डकपको प्रत्यक्ष अवलोकन गर्ने अपेक्षा आयोजकले गरेको छ । पत्रकार सम्मेलनमा विजेता तथा उपविजेतालाई दिइने ट्रफि समेत अनावरण गरिएको थियो । पथरीशनिश्चरे नगरपालिकाका प्रमुख मोहन प्रसाद तुम्वापोले सो ट्रफिको अनावरण गरेका हुन् ।
प्रथम पथरीशनिश्चरे गोल्डकप ललितपुरे टिम ब्रिगेड ब्वाइज क्लवले जितेको थियो । विग्रेडले संकटा क्लबलाई पराजित गरेर उपाधि रक्षा गरेको थियो ।
