११ सयभन्दा बढी कैदीबन्दी रहेको मोरङ कारागारमा अराजक समूहले हुलहुज्जत गरेपछि प्रहरीले गोली चलाएको छ ।
कैदीबन्दी छुटाउनुपर्ने नारा लगाउँदै आएको हुलले आक्रमण गर्न थालेपछि प्रहरीले १५ राउण्ड हवाई फायर गरेको छ । कारागार परिसरलाई सुरक्षित राख्न यतिखेर सेनाको टोली पनि पुगिसकेको छ ।
बाहिर नाराबाजी भएको सुनेपछि कारागारभित्रका कैदीबन्दीले पनि भाग्ने प्रयास गरेका थिए । तर, प्रहरीले गोली चलाएपछि कारागार आक्रमण गर्न आएको हुल भागेको छ ।
