पथरी
मोरङको पथरी बजारमा बिहिबार साँझ दुर्घटनामा संलग्न भएको मिनी ट्रक भाउन्ने जङ्गलमा पल्टिएको अवस्थामा फेला परेको छ । बा१ क ९७५१ नम्बरको मिनि ट्रकले ठक्कर दिदा एक महिलाको मृत्यु भएको थियो भने महिलालाई ठक्कर दिएर भागेको सो सवारी अनियन्त्रीत भएर पल्टिएको अनुमान प्रहरीले गरेको छ ।
ट्रक फेला पारे पनि सवारी चालक भने फरार रहेका छन् । हाल प्रहरी चालकको खोजिमा रहेको ईलाका प्रहरी कार्यालयले जानकारी दिएको छ । ठक्करबाट घाइते भएकी महिलाको मृत्यु भइसकेको छ । नीजको पहिचान अझै खुलेको छैन ।
