बिसे नगर्चीको कविता र कृतिमाथि चर्चा

पथरी,

पृथ्वीनारायण शाहको सल्लाहकार बिसे नगर्चीको बिषयमा शुक्रबार पथरी बहुमुखी क्याम्पसमा परिचर्चा भएको छ । कवि श्रवण मुकारुङको चर्चित कविता ” बिसे नगर्चीको बयान ” कविता माथि रहेर नगर्चीको विषयमा परिचर्चा गरिएको थियो। मुकारुङको उक्त कविता बि.एड. दोस्रो वर्षको नेपाली विषयमा समावेश गरिएको छ ।
क्याम्पसको नेपाली बिभागको आयोजनामा भएको कार्यक्रममा प्रमुख वक्ता ” गुमनाम एक इतिहास बिसे नगर्चीका लेखक/खोजकर्ता मोरङ पथरी शनिश्चरे १ निवासी दीपेन्द्रराज तिम्सिना रहनु भएको थियो । लेखक तिम्सिनाले बिसेको जन्म स्थल गोरखासम्म नै पुगेर गहिरो खोज, अनुसन्धान, अध्ययन गरेर कृति तयार गरेको पुर्व क्याम्पस प्रमुख चेतननाथ पौडेलले बताउनुभयो । लेखक तिम्सिनाले पृथ्वीनारायण शाहलाई पृथ्वीनारायण बनाउन बिसेको महत्त्वपूर्ण भुमिका रहेको बताउदै राज्य चलाउन सहि सल्लाहकार चाहिने बताउनुभयो । राज्यले अझै पनि बिसेलाई हुलाक टिकटमा समेत नसकेकोमा राज्यको निकायमा झकझकाएको राष्ट्रिय दलित आयोगमा बिसेलाई राष्ट्रिय विभूति घोषणा गर्न तथ्य सहित पेस गरेको बताउनुभयो ।
क्याम्पसको नेपाली बिभाग प्रमुख सरिता भट्टराईको अध्यक्षतामा भएको कार्यक्रममा क्याम्पस प्रमुख शान्तिराम तिम्सिना, प्राध्यापक संघको अध्यक्ष उपेन्द्र बस्नेत, प्राध्यापक संघकी सचिव लक्ष्मी ढुङगेल नेपाली बिषयका विद्यार्थीहरूको सहभागीता रहेको थियो । बिद्यार्थी शिक्षक बिच अन्तर्क्रिया कार्यक्रम समेत भएको थियो । बिसे नगर्चीको विषयमा चिनारी प्रस्तुत गर्दै उठेका प्रश्नको जवाफ लेखक तिम्सिनाले दिनुभएको थियो ।