पथरी, सडन डेथमा बिजयी बन्दै सुनौलो युवा क्लव पथरीशनिश्चरे खेलकुद महोत्सव फुटबलको क्वाटरफाइनलमा प्रवेश गरेको छ ।
आइतबार सम्पन्न प्रतियोगीताको दोश्रो खेलमा बिशाल युथ क्लवलाई सडन डेथमा पराजित गरेको हो । निर्धारित खेल २–२ गोलको बराबरी भएपछि खेल टाइब्रेकरमा धकेलिएको थियो । टाईब्रेकरमा पनि बराबरी भएपछि खेलको छिनोफानो सडन डेथले गरेको थियो ।
दुई पटकको अग्रता जोगाउन नसक्दा पहिलो खेलबाटै विशाल युथ क्लव बाहिरिएको छ । खेलको १४ औं मिनेटमा आयुष माझीको गोलबाट विशालले अग्रता बनाएको थियो । ३६ औं मिनेटमा सञ्जय लिम्बूले गोल गर्दै सुनौलो कल्याणलाई बराबरीमा ल्याए ।
५१ औं मिनेटमा आयुषले व्याक्तिगत गोल गर्दै विशालको आग्रता दोब्बर बनाए तर अतिरिक्त समयको पहिलो मिनेटमा नै सुनौलोका म्याग्नेट लिम्बुले गोल गर्दै सुनौलोलाई खेलमा फर्काए । त्यस पछिको टाईब्रेकरमा समेत बराबरी भएपछि खेलको निर्णय सडनडेथबाट निर्धारण भयो ।
दुई गोल गरेका विशालका आयुष माझी खेलको म्यान अफ दि म्याच घोषित भए । सोमबारको खेल यलम्वर एफ सि र प्रभात सामुदायिक फुटबल क्लव बिच हुने छ ।
