पथरी, कामको सिलसिलामा युनाइटेड अरब इमिरेट्स (दुवइ) मा २५ वर्षीय युवाको ज्यान गएपछि एतिबेला गाउँ नै शोकमा डुबेको छ ।
मोरङको पथरीशनिश्चरे ३ मिरमिरे चौक घर भएका ख्याम थापा (निर्मल) को गत साउन २१ गते मृत्यु भएको हो । काममा जाने क्रममा दुर्घनामा परेका थापाको उपचारका क्रममा मृत्यु भएपछि शवलाई आज घर ल्याएने भएको पारिवारिक स्रोतले जनाएको छ ।
अहिले बिहान ९ः४५ मा त्रिभूवन अन्तराष्ट्रिय विमान स्थलमा शव आइपुग्ने र आजै घर ल्याउने तयारी गरिएको छ । थापाको अन्तिम संस्कार भोली भदौ ५ गते बुधबार बिहान ८ बजे सुन्दरी चौक स्थित बक्राहा घाटमा गरिने पारिवारले जनाएको छ ।
थापाको परिवारमा २ दिदिहरूको विवाह भइसकेको छ । घरमा वृद्ध बाबु, आमा र एकजना सुस्थ मनस्थितिका दाजु छन् । उनि घरको कान्छो छोरा थिए । परिवारको एक्लो सहारा थापाको पनि निधन भएपछि परिवारमा बज्रपात परेको छ । थापा परिवारलाई असह्य पीडा छ भने गाउँ नै शोकमा डुबेको छ ।
