पथरी, समयमा सडक निर्माण सम्पन्न नभएको भन्दै मोरङको पथरीशनिश्चरेका स्थानीयले सडक अबरुद्ध गरेका छन् । पथरीशनिश्चरे १०, ९, ८ र ६ नं. वडा हुदै रंगेली जोड्ने सडक निर्माणको जिम्मा पाएको कान्छाराम कन्ट्रक्सनले समयमा सडक निर्माण नगरेपछि स्थानीय सडकमा उत्रेका हुन् ।
समयका सडक निर्माण नहुँदा हिउदमा धुलो र वर्षाको समयमा हिलाम्मे हुनेगरेको छ । सो सडक अहिले आवत जावत गर्नै नसक्ने अवस्था भएपछि वडाध्यक्षहरुले समेत समयमा काम सक्न भन्दै निर्माण कम्पनीलाई ध्यानाकार्षण गराएका थिए । निर्माणको जिम्मा पाएको कम्पनीले काम गर्न छाडेर सम्पर्क बिहिन भएपछि आज स्थानीयले ३ स्थानमा ढाट लगाएर सडक अवरुद्ध गरेको स्थानीय सुमन वनेम लिम्बूले बताए ।
