पथरी, मोरङको पथरी शनिश्चरेमा जारी चौथो संस्करणको पथरी शनिश्चरे प्रिमियर लिग २०८० अन्तरगत पाचौ खेलमा रोयल किङ्ग विजयी भएको छ । तेस्रो दिनको पाचौ खेलमा १३२ को टार्गेट दिएको रोयल किङ्गले ११० रनमा क्लासिक ईलाभेनलाई समेट्दै जित हासिल गरेको हो ।
पथरी शनिश्चरे १ को प्रस्तावित रंगशालामा जारी प्रतियोगिताको पथरी शनिश्चरेले मुख्य सहयोग गरेको छ । पथरी शनिश्चरे प्रिमियर लिग कमिटिको आयोजनामा भएको प्रतियोगिगामा ७ वटा फ्रेन्चाईज टिमको सहभागिता रहेको छ ।
कार्तिक ११ गतेबाट सुरुभएको चौथो संस्करणको पथरी शनिश्चरे प्रिमियर लिग प्रतियोगीताको विजेताले १ लाख ३१ हजार रुपयाँ र ट्रफि प्राप्त गर्ने छ भने उपविजेताले ७१ हजार १ सय ११ रुपयाँ प्राप्त गर्ने छ । कार्तिक २५ गते सम्म सन्चालन हुने प्रतियोगीताको नगरका प्रमुख मोहन प्रसाद तुम्वापोले उदघाटन गर्नु भएको थियो ।
