पथरी, पथरी शनिश्चरे नगरपालिकामा पालिका स्तरीय खानेपानी तथा सरसफाई समिति वास अन्तरक्रिया कार्यक्रम सम्पन्न भएको छ । आज नगरपालिकाको सभाहलमा नगर प्रमुख मोहनप्रसाद तुम्वापोको अध्यक्षतामा सो कार्यक्रम भएको हो ।
सहारा नेपाल विश्वास परियोजना अन्तर्गत मेयरमेडले आयोजना गरेको सो अन्तरक्रिया नगरपालिकाको सहयोगमा भएको हो । सो कार्यक्रमको सहजीकरण सहारा प्रोग्राम अफिसर गीता कार्कीले गर्नुभएको थियो । अन्तरक्रियामा नगर–उप्रमुख, वडा अध्यक्षहरु, कार्यपालिका सदस्यहरु, सुरक्षा निकायका प्रतिनिधि, खानेपानीको प्रतिनिधिहरुको सहभागिता रहेको थियो । नगरका प्रमुख प्रशासकीय अधिकृत लक्ष्मीप्रसाद खरेल, इलाका प्रहरी कार्यालय पथरीका प्रमुख डिएसपी लक्ष्मी भण्डारी, कार्यपालिका सदस्य कल्पना श्रेष्ठले आफ्ना कुरा राख्नुभएको थियो ।
अन्त्यमा नगर प्रमुख तुम्वापोको अध्यक्षतामा नगरपालिका स्तरीय खानेपानी तथा सरसफाई समिति निर्माण गरिएको छ ।
