पथरी, यसवर्षको (चन्द्रमान) “सि.एम. कन्दङ्वा राष्ट्रिय प्रतिभा सम्मान–२०७९” प्राध्यापक डाक्टर गोबिन्दराज भट्टराईलाई प्रदान गरिएको छ ।
आज एभरेष्ट मावि पथरीको सभाहलमा औपचारिक कार्यक्रमका बिच नेपाल प्रज्ञा प्रतिष्ठानका कुलपति भूपाल राईले ताम्रपत्र र दोसल्ला ओडाएर रु. एक लाख एक हजार रकमको सो सम्मान भट्टराईलाई प्रदान गर्नुभयो ।
नेपाली साहित्य क्षेत्रमा अनुवादक, लेखक, भूमिका लेखन, उपन्यासकार, निबन्धकारका रुपमा भट्टराईले योगदान पु¥याउनुभएको छ । भट्टराईको “मुगलान” उपन्यास सबैभन्दा बढि चर्चित उपन्यास हो । मुगलानले भट्टराईलाई नेपालमा मात्रै नभएर विश्व साहित्यमा पनि चिनाएको छ । नेपाली र अंग्रेजी भाषामा उहाँको राम्रो दख्खल रहेको छ ।
यस्तै, रु. ५१ हजार नगद सहितको “सि.एम. कन्दङ्वा राष्ट्रिय युवा प्रतिभा सम्मान–२०७९” संगीतकार अनिल फागोलाई प्रदान गरिएको छ । फागोले पूर्वी नेपालको बिर्तामोड, दमक, उर्लाबारी, पथरी लगायतका क्षेत्रमा रहेर लामो समय देखि संगीत क्षेत्रमा योगदान पु¥याउदै आउनुभएको छ ।
यसवर्षबाट थप गरिएको रु. ११ हजार रुपैँया राशीको “सुशिला कन्दङ्वा पत्रकारिता राष्ट्रिय सम्मान–२०७९” बाट स्थानीय पत्रकार अर्जुन जम्नेली राईलाई सम्मान गरिएको छ । दुई दशक देखि पत्रकारिताको माध्यमबाट समाज रुपान्तरणमा राईको योगदान रहेको छ ।
सिएम (चन्द्रमान) कन्दङ्वा लामो समयसम्म शिक्षण पेशामा आबद्ध रहनुभएको थियो । शिक्षण पेसामा रहेकै बेलादेखि नै माक्सवादी राजनीतिमा होमिनुभएको थियो । पूर्वी नेपालमा संस्थागत विद्यालय स्थापना गर्नेदेखि सहित्यमा कलम चलाउनेसम्मका काम कन्दङ्वाले गर्नुभएको थियो ।
वि.सं. १९८१ मा दार्जिलिङमा जन्मिनुभएका कन्दङ्वाका ३ वटा उपन्यास र २ वटा कथासंग्रह समेत प्रकासित रहेका छन् । कन्दङ्वा ६ वटा भाषाका ज्ञाता समेत रहनुभएको थियो । स्व। कन्दङ्वाको स्मृतिमा २०७५ सालमा सि।एम। कन्दङ्वा स्मृति कोषको स्थापना गरी वार्षिक रुपमा सम्मान गर्दै आएको कोषका अध्यक्ष डा। रामनारायण कन्दङ्वाले जानकारी दिनुभयो ।
