आज केही प्रदेशका पहाडी जिल्लामा वर्षाको सम्भावना छ ।
मौसम पूर्वानुमान महाशाखाका अनुसार आज प्रदेश १, गण्डकी र कर्णालीका पहाडी भूभागका एक दुई स्थानमा हल्का वर्षाको सम्भावना रहेको छ । बाँकी भूभागमा मौसम सामान्यतया सफा रहनेछ ।
राति पहाडी भूभागमा आंशिक बदली रहने आकलन गरिएको छ । महाशाखाका अनुसार शनिबार पनि पहाडी भूभागका केही स्थानमा हल्का वर्षाको सम्भावना रहेको छ । हाल देशमा पश्चिमी वायुको सामान्य प्रभाव रहेको छ ।
