कपिलवस्तु / कपिलबस्तुको बुद्धभुमी नगरपालिका–१० मा आज भएको सवारी दुर्घटनामा २१ जना घाइते भएका छन् ।
तौलिहवाबाट काठमाण्डौतर्फ आउँदै गरेको बा २ ख ६६६० नम्बरको हाइस र बिपरित दिशाबाट जाँदै गरेको ना ८ ख ६६९७ नम्बरको टिपर आज दिउँसो पौने १ बजे ठोक्किएका थिए । दुर्घटनामा हाइसमा सवार २१ जना घाइते भएका हुन् । घाइते सबैलाई उपचारको लागि जिल्ला अस्पताल तौलिहवा पठाइएको छ ।
घाइते मध्ये तीन जनाको अवस्था गम्भिर रहेको इलाका प्रहरी कार्यालय गोरुसिंगेले जनाएको छ । दुबै सवारी साधन सहित टिपर चालकलाई इलाका प्रहरी कार्यालय गोरुसिङगेले नियन्त्रणमा लिएको छ ।
