मुरारी खनाल
पथरी
आइतवार विहान गणतन्त्र दिवसको दिन विहानै एक हुल युवाहरु हातमा झाडु,वोरा वोकेर पथरी वजारको पुर्वमा रहेको ट्राफिक चौक नेर भेला भए । हातमा पञ्जा र मास्क लगाएका युवाहरु भेला भए र त्यहाँ रहेको फोहर उठाउन थाले । भेला भएका युवाहरुले पथरी वजारको महेन्द्र राजमार्ग आसपासको गोर्खा डिर्पाटमेन्टल स्टोर,पुर्व स्टेन,जातेमोड,पश्चिम स्टेनमा रहेको फोहर संकलन गरेका थिए ।
स्वतन्त्र युवाहरुले देशका विभिन्न स्थानका पालिकाहरुमा विजयी भएको खुसियालीमा सरसफाइ कार्यक्रम गरेका उनीहरुले अन्य कार्यक्रम गर्ने समेत जानकारी गराए ।
ऋभियान सुरु गरेका युवा सुमन शर्माका अनुसार ट्राफिक व्यावस्थापन र अन्य कार्यमा समेत युवा समुहले सचेतनाका कार्यक्रम सन्चालन गर्ने भएको छ । ‘यो सुरुवात हो अवका दिनमा फोहर संकलन मात्र नभइ अन्य कार्यमा समेत हाम्रो सक्रिय सहभागीता रहनेछ’ उनले भने ‘सवैको सहयोग भए परिर्वतन सम्भव छ ’।
कार्यक्रममा समाजिक सञ्जाल एम आर आर, डव्लु आर आर, दाह्री गु्रप लगायतमा आवद्ध युवा सो कार्यमा सहभागी भएका थिए । सामाजिक सन्जालका गु्रपमा वहस र विचार आदान प्रदान गरिरहेका युवाहरुको सामाजीक सेवाको यो कदमलाई सकारात्मक मान्नु पर्ने पथरीका अगुवा प्रदिप राईले वताए । सार्वजनिक यातायातका यात्रुले फाल्ने फोहर नियन्त्रण गर्न सके मात्रै फोहर नियन्त्रण कम हुने उनीहरुको धारणा रहेको छ ।
