पथरी / स्थानिय तहको निर्वाचनको मिती नजिकिँदै जाँदा दलहरुले चुनावि प्रचारप्रसारमा तिव्रता दिएका छन् । यसैविच नेपाली काङग्रेसबाट उठेका मेयर उपमेयरका उम्मेद्धारहरुले हरेक वडामा गरेको घरदैलो कार्यक्रममा नगरवासिहरुको उल्लेख्य साथ रहेको पाइएको छ ।
मंगलबार वडा नं १० र वडा नं ६ मा भएको घरदैलो कार्यक्रममा उम्मेद्धारहरुलाई साथ दिन अग्रभागमा उभिने युवायुवतिको संख्या उल्लेख्य रहेको थियो । मेयरका उम्मेद्धार नगेन्द्र सुव्वा र उपमेयरकी उम्मेद्धार कविता पराजुलीलाई वृद्धवृद्धाहरुले समेत घरदैलो कार्यक्रममा साथ दिएका थिए । वृद्धवृद्धाहरुले सुब्बा र पराजुलीसहित वडाका उम्मेद्धारलाई जितको शुभकामनासहित आशिर्वाद दिएका थिए । सुब्बा पथरीशनिश्चरेका निष्ठावान नेताका रुपमा परिचित छन भने पराजुली विभिन्न संस्थाको सफल नेतृत्व गरेकी नेतृका रुपमा चिनिन्छन् ।
उपमेयरकी उम्मेद्धार पराजुलीले पथरी उद्योग वाणिज्य संघ, दिदिवहिनि साकोश, मनकामना साकोश, पथरी जेसिज, अन्तरपार्टी महिला संजाल पथरी लगायत दर्जनौ संस्थाको सफल नेतृत्व गरिसकेकी छिन् ।
