पथरी, विगत ३३ वर्षदेखी नेपाली कांग्रेसको सक्रिय राजनीतिका रहेका माधव कोइरालाले पार्टी छाडेको घोषणा गरेका छन् ।
मोरङको पथरी शनिश्चरे १ का कोइरालाले निरन्तर पार्टी राजनीतिमा जीवन बिताएका हुन् । पथरी शनिश्चरेमा कांग्रेसबाट मेयरका आकांक्षी रहेका कोइरालाले आफ्नो सामाजिक सञ्जालबाट पार्टीको साधारण सदस्य समेत नरहनेगरी राजिनामा दिएको घोषणा गरेका हुन् ।
पथरी शनिश्चरेमा कांग्रेसले हालसम्म मेयर उम्मेद्वारको टुङ्गो लगाउन सकेको छैन् । मेयर पदका लागि १२ जना आकांक्षी रहेको बुझिएको छ । सोही विषयमा पार्टीले सम्बोधन गर्न नसकेपछि कोइरालाले राजिनामा दिएको बुझिएको छ ।
पथरी बजारका नाम चलेका व्यावसायी हुन् कोइराला । कोइरालाको पार्टी परित्याग पछि नजिकीदै गरेको स्थानीय तहको निर्वाचनमा कांग्रेसलाई ठुलो धक्का लाग्ने छ ।
