दोस्रो संस्करणको पथरी प्रिमियर लिगको तयारी अन्तिम चरणमा

दोस्रो संस्करणको पथरी प्रिमियर लिगको तयारी अन्तिम चरणमा

पथरी, मोरङको पथरी शनिश्चरे भोली (फागुन १९) देखि सुरु हुने पथरी प्रिमियर लिगको तयारी अन्तिम चरणमा पुगेको छ ।

हालसम्म ९५ प्रतिशत तयारी पुरा भएको लिग अध्यक्ष संजिव गिरीले जानकारी दिनुभयो । गिरीका अनुसार भोली बिहानसम्म सबै तयारी सकिने छ । उद्घाटन कार्यक्रमका लागि भव्य तयारी भइरहेको छ । खेलको उद्घाटन पथरी शनिश्चरे नगर प्रमुख दिलिप कुमार राईले गर्ने तयारी रहेको छ ।

उद्घाटन खेलमा बि एण्ड बि वाइ.जि.एफ.टी र शिखर एफ.सी. प्रतिस्पर्धा गर्दैछन् । ‘बि एण्ड बि’ वाइजीएफटीका अध्यक्ष नवीन ढकालले शिखरलाई पहिलो खेलमै हराउने गरि तयारी गरेको बताए । आफ्नो टिममा सञ्जय राई, साइन राई, निमन लिम्बू, रुपेश श्रेष्ठ जस्ता खेलाडी रहेकोले शिखर एफसीलाई मंहगो पर्ने उनले बताए ।

यता शिखर एफसीका मेनेजर रंजित कार्कीले साइमन लिम्बू, अर्जुन बस्नेत, निरज परियार (काउली), समिर कटुबाल जस्ता नेपालकै ‘बी’ डिभिजनका स्टार खेलाडीहरुले भरिने भएकोहुँदा वाइजीएफटीको सपना चकनाचुर हुने दाबी गरे ।

खेलको अघिल्लो दिन प्रस्ताबित पथरी रंगलशालामा भेटिएका न्यु स्टार एफसीका अध्यक्ष बिरोज मगर, सिरिजंङ्गा एफसीका मौसम लिम्बू, द रियल ब्रदर्शका अध्यक्ष सञ्जोग राई, देबिगञ्ज एफसीका मदन राई लगायतले यो पटक निक्कै मिहिनेत गरेर मैदानमा खेलाडी उतार्न लागेको बताए ।

पहिलो सिजनको फस्ट रनर द रियल ब्रदर्श एफसीले यो पटक पाँच वटा अभ्यास खेल खेलेर तयारी पुरा भएको अध्यक्ष सञ्जोग राईले बताए । यो पटक तिर्थराज बस्नेत, बिशाल पाण्डे, सेनेहाङ्ग लिम्बू जस्ता स्टार खेलाडी मैदानमा उत्रिने राईले बताए । यो पटक च्याम्पियन बन्ने लक्ष्यको साथ तयारी भएको उनको भनाइ छ । पहिलो सिजनमा टेन नवोदयले प्रथम ट्रफी उचालेको थियो । यो सिजनमा पथरीशनिश्चरेको सात र भुटानी शरणार्थी शिविरको एक गरी आठ वटा टिम लिग भिड्दैछ ।

खेल मैदान चिटिक्क

भोली बिहिबारबाट सुरु हुने पथरीशनिश्चरे फुटबल प्रिमियर लिगको लागि प्रस्तावित पथरी रंगशाला आयोजकले सजाएर चिटिक्क बनाएको छ । अतिथिहरुको स्वागतको लागि पथरीको जाँते मोडमा गेट निर्माण भएको छ भने खेल मैदान सजाएर चिटिक्क पारिएको हो ।

प्रिमियर लिग खेलाडीलाई सहज होस भन्ने उदेश्यले पानी टंकीबाट पानी छिर्किन्दै मैदानमा रोलर लगाएर तयार गरिएको लिग आयोजक समितिको उपाध्यक्ष बिक्की राईले बताए । मैदानमा नेपालको झण्डा, लिगमा सहभागि आठवटा टिम, आयोजक समिति र टाइटल स्पन्सर इन्ट्राको लागो अंकित झण्डाहरु फहराइएको छ ।

गत बर्षदेखि सुरु भएको लिग खेलकुद क्षेत्रमा नगरपालिकाकै गौरवको कार्यक्रम हो । दोस्रो संस्करन लिग फागुन १९ मा सुरु भएर चैत्र ५ समापन हुनेछ ।

उपाधि उठाउने क्लवलाई २ लाख ५१ हजार र दोस्रो हुने टिमलाई १ लाख ५१ हजार नगद, ट्रफी, मेडल र प्रमाणपत्रहरु प्रदान गरिने लिग आयोजक समितिको संयोजक संजिव गिरीले बताए । अनुशासित टिमलाई १५ र सर्वोत्कृष्ट खेलाडीलाई १२ हजार पाँच सय प्रदान गरिने आयोजक समितिको सचिव मनि लिम्बूले बताए ।

सम्बन्धित खवर

%d bloggers like this:
%d bloggers like this: