पथरी, मोरङको पथरी शनिश्चरे नगर अस्पताल व्यवस्थापन समितिको आजको बैठकले अस्पताल रेखदेखका लागि समिति गठन गरेको छ ।
नगर प्रमुख एवम् अस्पताल व्यवस्थापन समिति अध्यक्ष दिलीपकुमार राईको अध्यक्षतामा सम्पन्न बैठकले नगर अस्पताल तथा नवनिर्मित भवन सम्पन्न र रेखदेखका लागि जग्गादाता समाजसेवी बाबुराम राई संयोजक र होमबहादुर गुरुङ, धनमाया गुरुङ र एकराज खत्री सदस्य रहेको समिति गठन गरेको छ । बैठकले चाँडो भन्दा चाँडो रुपमा अस्पतालमा इमरजेन्सी सेवा सञ्चालन गर्ने पनि निर्णय गरेको स्वास्थ्य शाखा प्रमुख मुरारी आचार्यले जनाउनु भयो ।
