पथरी, इलाका प्रहरी कार्यालय पथरीले श्रृङ्खलाबद्ध रुपमा चोरी गर्दै आएको गिरोहलाई पक्राउ गर्न सफल भएको छ ।
चोरी गरेका समान सहित मंसिर २६ गते पथरीशनिश्चरे १ का १९ वर्षीय निमा तामाङ र सोही उमेरका सन्तोष सुब्बा पक्राउ परेका हुन् । उनिहरुको साथबाट चोरी गरेका सामानहरु मोबाइल ३ थान, ट्याबलेट १ थान, चाँदीको सिक्री १ थान र गाडीको चाबी १ थान फेला परेको इलाका प्रहरी कार्यालय पथरीका प्रमुख (डिएसपी) कृष्ण खड्काले जानकारी दिनुभयो ।
प्रतिवादी द्वय तामाङ र सुब्बाले मंसिर २१ गते राति पथरीशनिश्चरे १ मा रहेको बलराम शाहको पसल फोडेर ४६ हजार रुपैँया बराबरको नगद र सामान चोरी गरेका थिए । तामाङले मंसिर १७ गते राति पथरी बजारमा पार्किङ गरेर राखेको रोशन बुढाथोकीको गाडी (कार) को ढोका खोलेर कानेपोखरी पु¥याएका थिए । कानेपोखरीमा पुगेपछि गाडी छाडेर तामाङ फरार भएका थिए ।
सोही दिन राति संजय शाहको घरमा पार्किङ गरेर राखेको कारको ढोका खोलेर चोरी गर्न खोज्दा शाहले थाहा पाएपछि फरार भएका थिए । सोही दिन राति नै पिन्टु शाहको छोरीको सुनको सिक्री १ थान, चाँदीको सिक्री १ थान र १ थान मोबाइल समेत चोरी गरेका थिए । शाह कोठामा सुतिरहेको अवस्थामा सो सामानहरु चोरी गरेका थिए । गोस लाइन एरियाबाट १ थान ट्याबलेट समेत चोरी गरेको सो समुहले मंसिर २३ गते राति राज कुमार श्रेष्ठको घरबाट २ थान मोबाइल समेत चोरी गरेको थियो ।
प्रतिवादी दुबैजनालाई जिल्ला अदालत मोरङबाट म्याद थप गरी थप अनुसन्धान भइरहेको प्रमुख खड्काले जानकारी दिनुभयो । प्रतिवादी तामाङ यसअघि पनि २०७७ असार २२ गते शनिश्चरेबाट डाका मुद्धा चलाइएकामा साउन १३ गतेको आदेशानुसार अभिभावकलाई जिम्मा लगाइ बाल सुधार केन्द्र पठाइएको थियो ।
