दमकका रहेको शान्ति कोल्डसेन्टरको बेइमानी, चिस्यान केन्द्रमा राखिएको आलु कुहिदा कृषक मारमा

दमकका रहेको शान्ति कोल्डसेन्टरको बेइमानी, चिस्यान केन्द्रमा राखिएको आलु कुहिदा कृषक मारमा

पथरी, चिस्यान केन्द्रको असावधानीले मोरङको पथरी शनिश्चरे १ मा अवस्थित पथरी कृषि सहकारी संस्थाले राखेको ३ हजार ३ सय किलो आलुको विउ कुहिएर नष्ट भएपछि नगरपालिका कार्यालयले आज अनुगमन गरेको छ ।

पथरी शनिश्चरे नगर उपप्रमुख यमुना विष्ट वास्तोलाको अगुवाईमा आलुको अनुगमन् गरी उचित क्षतिपूति सहित विमाको लागि पहल गरिने भएको छ ।

संस्थामा आवद्ध कृषकहरुबाट उत्पादन गरी सहकारीमार्फत झापाको दमकस्थित शान्ति कोल्ड सेन्टरमा भण्डारण गरि राखिएको थियो । तर कृषकले आलु रोप्ने समय हुन लागेपछि विउ फिर्ता ल्याउन खोज्दा राखिएको सवै ६६ बोरा आलु कुहिएको पाइएको सहकारीका अध्यक्ष हरिराज प्याकुरेलले जनाउनु भयो । नियमित चिसोपना गराउने मेसिनमा आएको समस्याका कारण आलु कुहिन पुगेको चिस्यान केन्द्रले जनाएको उहाँले बताउनु भयो । प्रति गोटा २० रुपैयाँ दरले किनेर पीवीएस आलुबाट उत्पादित मुल विउ कुहिदा ३ लाख ३० हजार रुपैयाँ बढीको क्षति भएको छ । जसका कारण रोप्ने समयमा विउ नपाएर कृषकहरुमा समस्या आएको भन्दै उहाँले चिन्ता व्यक्त गर्नुभयो । हाल १ सय रुपैयाँ प्रति केजी पर्ने आलुको चिस्यान केन्द्रले प्रति केजी ५० का दरले मात्र विमा गराएको वताउनु भयो ।

सो चिस्यान केन्द्रमा अन्य कृषकहरुले राखेको आलुको विउ पनि कुहिएको छ । आलु रोप्ने समयमा बीउ लिन जाँदा सबै बीउ कुहिएको पाइएको भन्दै कृषकहरुले गुनसो गर्ने गरेका छन् ।

सम्बन्धित खवर

%d bloggers like this:
%d bloggers like this: