पथरी, सामाजिक संजाल टिकटक बाट एकाएक चर्चामा आएको पथरी शनिश्चरे नगरपालिका २ मा रहेको सेल्फी रोडबाट यौन क्रियाकलापमा लिप्त भइरहेको एक जोडी पक्राउ परेको छ ।
गत भदौ ३० गते अपह्रन्न करिब साढे ४ बजेको समयमा रोड किनारमा यौन क्रियाकलापमा संलग्न भइरहेको एक अधबैसे जोडीलाई स्थानियले देखेपछि प्रहरीलाई खबर गरेका थिए ।
खबर पाउना साथ इलाका प्रहरी कार्यालय पथरीको टोलीले अटो सहित सेल्फी रोडबाट उनिहरुलाई नियन्त्रणमा लिएको जनाएको छ ।
पक्राउ पर्नेहरुमा उर्लाबारी स्थायी ठेगाना भएका आटो चालक वर्ष ४० का पुरुष रहेका छन् भने पथरी शनिश्चरे नगरपालिका स्थायी ठेगाना भएकी वर्ष ३२ की महिला रहेकी छिन् ।
उर्लाबारी स्थित मंगलबारेबाट अटोमा चढेर पथरी शनिश्चरे घर हिडेकी ति महिला र अटो चालक सो स्थानमा पुगेपछि यौनक्रियाकलापमा संलग्न भएको प्रहरीले जनाएको छ ।
मादक पदार्थ सेवन गरेका दुवैले महिलालाई घर पुर्याउने क्रममा सो क्षेत्रमा अवान्छित गतिविधीमा संलग्न पाइएको प्रहरीले जनाएको छ ।
उनिहरुलाई सार्वजनिक स्थलमा अश्लिल क्रियाकलापमा संलग्न भएको आरोपमा प्रहरीले अभद्र व्यवहारमा मुद्दा दर्ता गरी कार्वाही अगाडी बढाएको जनाएको छ ।
स्थानिय चौतारी सामुदायिक वन क्षेत्रमा पर्ने सो रोड करिब ढेड वर्ष अघि देखि सामाजिक संजाल टिकटक र सेल्फी पारखीहरुका लागि गन्तव्य स्थल बन्दै आएको छ ।
सामाजिक संजालमा एकाएक भाइरल बनेपछि स्थानिय सरकारले सो क्षेत्रमा आउने आगन्तुकहरुको सहजता लागि बस्ने चौताराहरुको व्यावस्थापन पनि गरेको छ ।
तर जंगल क्षेत्र भएका कारण उपयुक्त सुरक्षा ब्यावस्था मिलाउन नसक्दा सो रोडमा विगत केही समय देखी नसालु पदार्थ सेवन गरी झै झगडा हुने र अनैतिक क्रियाकलाप हुने गरेको भएता पनि स्थानिय नगरपालिकाले सो क्षेत्रलाई व्यावस्थित गर्न नसकेको स्थानियहरुको बुझाई छ ।