नवनियुक्त प्रधानमन्त्री शेरबहादुर देउवाले हिजो नयाँ मन्त्रीपरिषद गठन भयो । मन्त्रीपरिषदको बैठक सिंहदरबारस्थित प्रधानमन्त्रीको कार्यालयमा बस्यो । उक्त बैठकको राष्ट्रिय समाचार समितिद्वारा सञ्चारमाध्यममा प्रेषित गरिएको तस्वीरले धेरैको ध्यानाकर्षण गरेको छ ।
बैठक कक्षको भित्तामा राष्ट्रपति विद्यादेवी भण्डारीको तस्वीर छ, जसको ठिक सामुन्ने प्रधानमन्त्री शेरबहादुर देउवा बसेका छन् । राष्ट्रपति भण्डारीको तस्वीर नियालेर हेर्दा उनको आँखा सेतो कागज वा टेपले छोपिएको जस्तो दखिएको छ ।
कतिपयले यसलाई फोटोसप गरिएको भनेका छन् त कतिले राष्ट्रपतिसँगको रिसइबीका कारण सरकारले नै यस्तो हर्कत गरेको आशंका गरेका छन् । यस विषयमा हामीले राष्ट्रिय समाचार समितिका महाप्रवन्धक सिद्धराज राईसँग प्रश्न गर्दा उनले फोटोमा कुनै छेडखानी नगरिएको बताए ।
‘जस्तो फोटो खिचिएको थियो, हामीले त्यस्तै प्रेषित गरेका हौं, फोटोसप गरिएको छैन,’ ‘राष्ट्रपतिको तस्वीरमा देखिएको सेतो भागको वास्तविकता के हो भन्ने हामी बुझ्दैछौं ।’
सो तस्वीर खिच्ने राससका फोटोपत्रकार रोसन सापकोटाले चाहिँ क्यामराको लाइट राष्ट्रपतिको तस्वीरमा परेकाले सेतो भाग देखिएको दाबी गरेका छन् ।उनले भने, ‘नेपाल टेलिभिजनको लाइट प्रधानमन्त्रीको आँखामा सोझै परेपछि सिलिङतिर फर्काइएको थियो । त्यही लाइटका कारण राष्ट्रपतिको फोटोमा त्यस्तो देखिएको हो ।’ मन्त्रिपरिषद् कार्यालयका एक सचिवले यस विषयमा आफूलाई कुनै जानकारी नभएको प्रतिक्रिया दिनुभयो ।
सेतो पट्टि देखिएको तस्विर यतिवेला पूर्व मन्त्री लालबाबु पण्डित देखि ओली निकट एमालेका केन्द्रिय स्तरका नेतहरुले समेत सेयर गरिरहेका छन् । प्रधानमन्त्रीको पछाडी भित्तामा रहेको तस्विरमा कसरी पट्टि लगाउन सक्छन् ? यसरी पट्टी लगाउने कुरा सामान्य हुन सक्ला र ? यति समेत सोच्न नसक्ने नेताको नेतृत्व कस्तो हुन्छ ? तर पण्डितले भने “नयां सरकारको पहिलो अपराध फोटोमा गणतंत्रको मजाक” भन्दै सो फोटोका विषयमा सरकारलाई अपराधी नै किटान गरेका छन् ।
यो समाचार हामीले योहो खबरको सहयोगमा तयार पारेका हौँ
