प्रधानमन्त्री कृषि परियोजना मार्फत कृषि सामग्री वितरण, कृषिमा आधुनिकता ल्याउछौँ–नगरप्रमुख राई

प्रधानमन्त्री कृषि परियोजना मार्फत कृषि सामग्री वितरण, कृषिमा आधुनिकता ल्याउछौँ–नगरप्रमुख राई

पथरी, प्रधानमन्त्री कृषि आधुनिकिकरण परियोजना मार्फत कृषि सामग्री वितरण गरेपछि किसान हर्षित भएका छन् ।

मोरङ पथरी शनिश्चरे वडा नं. ६ मा प्रधानमन्त्री कृषि आधुनिकिकरण परियोजना अन्तर्गतको ‘‘धान ब्लक’’ कार्यक्रम सञ्चालनमा रहेको छ । सो परियोजनाको समन्वय समितिले सोमबार कृषि सामग्री वितरण गरेको हो ।

कृषि ज्ञानकेन्द्र सुनसरीको २५ लाख र समितिबाट २४ लाख ५ हजार गरी जम्मा ४९ लाख ५ हजारको कार्यक्रम सञ्चालनमा रहेको समितिका अध्यक्ष योगेन्द्र रायमाझीले जानकारी दिए । २२५ विगाहा जग्गाका २१० घरधुरी धान ब्लकमा समावेश रहेका छन् । ज्ञानकेन्द्रको ५० प्रतिशत र कृषकको ५० प्रतिशत लगानीमा कृषिका लागि आवश्यक सामग्री पावर टिलर ४ थान, मिनि टिलर ३ थान, बोडिङ्ग गडाइ समेत ३० वटा, मोटर २ एचपी ३८ थान, रिपर १ थान, पावर स्पेयर ३० थान, धान बीऊ, कृषि सम्बन्धीका तालिम गोष्ठीहरु सञ्चालन गर्ने सम्झौता भएको छ ।

DCIM100MEDIADJI_0569.JPG

कार्यक्रममा बोल्दै पथरी शनिश्चरे नगर प्रमुख दिलिप कुमार राईले कृषिमा आधुनिकता ल्याउने बताएका छन् । आउने वर्षबाट कृषकका लागि मोबाइल एप्लीकेसनको निर्माण गरी घरबाट नै आफ्नो बालीका बारेमा कृषि विज्ञसंग कुरा राख्न सकिने र त्यसको समाधान, उपचार पद्धतिका बारेमा जानकारी लिन सकिने बताए ।

धान ब्लकबाट चाडै नै धान जोनमा जाने तयारी गर्न सुझाव दिदैँ राईले कृषिका लागि नगरले अझ राम्रा योजनाहरु ल्याउने आश्वासन दिए ।
वडा अध्यक्ष जय बहादुर तामाङले आफ्नो वडामा धान ब्लक ल्याउन सफल भएको र आगामी दिनमा यसलाई अझै व्यवस्थित बनाएर लाने प्रतिवद्धता जनाए । धान जोनका लागि ५०० विगाहा जग्गा चाहिने भएकाले धेरैजना कृषक मिलेर समुह बनाउन तामाङले सुझाव दिए ।

आउने वर्ष देखि धानको बीऊ उत्पादन गर्ने र बजारमा पठाउने समुहले तयारी गरेको छ । आम्दनी पनि बढि हुने र बजार पनि राम्रो पाउने भएपछि धानको बीऊ उत्पादनका लागि कृषकहरु लागि परेका छन् ।

सम्बन्धित खवर

%d bloggers like this:
%d bloggers like this: