पथरी, मोरङको पथरी शनिश्चरे नगरपालिकाले आगामी आर्थिक वर्ष २०७८/७९ का लागि वडागत सिलिङ बजेट निर्धारण गरेको छ ।
नगर प्रमुख दिलीपकुमार राईको अध्यक्षतामा बसेको कार्यपालिकाको बैठकले वडागत सिलिङ बजेट निर्धारण गरेको हो । १० वटा वडा रहेको नगरका लागि प्रति वडा ८७ लाख ५० हजारका दरले वडागत सिलिङ बजेट निर्धारण गरिएको नगर प्रवक्ता यामप्रसाद गुरागाईंले जनाउनु भयो । नगरसभा असार १० गते हुने पनि उहाँले उल्लेख गर्नुभयो । गत वर्षको वडागत सिलिङ बजेट ७५ लाख रहेको थियो ।