नेपालमा पछिल्लो २४ घण्टामा थप ३ हजार ४७९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ४७१ पीसीआर परीक्षणबाट ३ हजार ०२४ र ३ हजार २६२ एन्टिजेन परीक्षणमा ४५५ जना गरी ३ हजार ४७९ जनामा संक्रमण पुष्टि भएको हो ।
त्यस्तै पछिल्लो २४ घण्टामा ६ हजार ६३६ जना संक्रमणमुक्त भएका छन् । यहि अवधिमा कोरोना संक्रमणबाट ९९ जनाको मृत्यु भएको छ ।
कुन जिल्लामा कति संक्रमित थपिए ?
स्वास्थ्य मन्त्रालयका अनुसार सबैभन्दा धेरै काठमाडौंमा ७३१, ललितपुरमा २५४, मोरङमा २२५, भक्तपुरमा १४६, काभ्रेपलाञ्चोकमा १२९ र झापामा ११८ जना कोरोना संक्रमित थपिएका छन् ।
यस्तै धनुषामा ८६, धादिङमा ८३, सुर्खेतमा ७१, पाल्पामा ७०, मकवानपुरमा ६६, बारामा ६४, सुनसरीमा ६०, कास्कीमा ५८, नुवाकोटमा ५६, रूपन्देहीमा ५०, बर्दियामा ४७, सिरहा र बाँकेमा ४६/४६ जना, सर्लाहीमा ४२, कैलालीमा ४०, गोरखा र दाङमामा ३९/३९ जना र चितवनमा ३८ जनामा कोरोना संक्रमण देखिएको छ ।
बैतडीमा २६, सिन्धुलीमा २५, सल्यानमा २१, महोत्तरीमा २०, नवलपरासी पूर्व र गुल्मीमा १८/१८ जना, तनहुँमा १६, नवलपरासी पश्चिममा १५, अछाममा १४, रोल्पा र रूकुम पश्चिममा १२/१२ जना, रामेछापमा ११, रौतहट, सप्तरी, पर्वत र अर्घाखाँचीमा १०/१० जना कोरोना संक्रमित थपिएका छन् ।
यस्तै उदयपुर र कविपलवस्तुमा ९/९ जना, स्याङजामा ८, कञ्चनपुरमा ७, इलाम र संखुवासभामा ५/५ जना, भोजपुरमा ४, तेह्रथुम, पर्सा, पोखरा, बागलुङ र जाजरकोटमा ३/३ जना, रसुवा, प्युठान र हुम्लामा २/२ जना तथा पाँचथर, सोलुखुम्बु, म्याग्दी, लमजुङ, रूकुम पुर्व, दैलेख, दार्चुला र बाजुरामा १/१ जना कोरोना संक्रमित थपिएको मन्त्रालयले जनाएको छ ।
यस्तै १० वर्ष मुनिका ९१ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका २५७ जनामा कोरोना संक्रमण देखिएको छ ।
