पछिल्लो २४ घण्टामा नेपालमा कोरोना संक्रमणबाट १६९ जनाको मृत्यु भएको छ । सोही अवधिमा ८ हजार ६३६ जनामा संक्रमण पुष्टि भएको छ । देशभरका प्रयोगशालामा २२ हजार ३०६ नमुनाको पीसीआर टेष्ट गर्दा ८ हजार ३८७ र ६३० एन्टिजेन टेष्ट गर्दा २४९ जना गरी ८ हजार ६३६ जनामा संक्रमण पुष्टि भएको हो ।
यससँगै सक्रिय संक्रमितको संख्या १ लाख १७ हजार २६१ पुगेको स्वास्थ्य तथा जनसंख्या मन्त्रालयले जनाएको छ ।
हालसम्म ५ लाख २८ हजार ८४८ संक्रमित भएका छन् । उनीहरुमध्ये ४ लाख ४ हजार ८८७ जना संक्रमणमुक्त भएका छन् । पछिल्लो २४ घण्टामा ६ हजार ४०४ जना संक्रमणमुक्त भएका हुन् । कोरोना महामारीका कारण हालसम्म ६ हजार ७०० जनाको निधन भइसकेको छ ।
