आइसोलेसन स्थल बन्दै, आज रातीबाट सवैखाले पसल वन्द गरिने

आइसोलेसन स्थल बन्दै, आज रातीबाट सवैखाले पसल वन्द गरिने

पथरी, मोरङको पथरी शनिश्चरे नगरमा बढेको कोरोना संक्रमणको अवस्थालाई ध्यान दिदै आइसोलेसन निर्माणको क्रम अघि बढेको छ ।
नगर उपप्रमुख एवम् अनुगमन् समिति संयोजक यमुना विष्ट वास्तोलाले आज नगर अस्पतालमा वन्दै गरेको आइसोलेसनस्थलको निरीक्षण तथा अनुगमन गर्नुभयो ।

निर्माणाधिन भवनमा आइसोलेसनका लागि भूँइमा टाइल विछ्याउने काम अन्तिम चरणमा पुगेको र अव चाँडै आइसोलेसन सञ्चालनका लागि आवश्यकीय प्राविधिक सामग्रीको व्यवस्थापनका लागि मन्त्रालयमा समेत माग गरिएको उपप्रमुख वास्तोलाले जनाउनु भयो । त्यहाँ कम्तिमा १५ शैयाको आइसोलेनका लागि स्वास्थ्य तथा जनसंख्या मन्त्रालयमा आवश्यक उपकरण व्यवस्थापनको माग गरिएको छ ।

यस नगरमा कोरोना भाइरसको संक्रमण दिनदिनै बढिरहेकाले यसबाट बच्ने सतर्कताका लागि जेठ २ गते राती १२ बजेदेखि अर्को सूचना नभएसम्मका लागि औषधि बाहेकका सवैखाले पसल व्यवसाय वन्द गर्ने निर्णय भएको छ ।

वडाध्यक्षहरु समेत आमन्त्रित रहेको नगरस्तरीय कोरोना भाइरस जोखिम न्यूनिकरण समन्वय समितिको जेठ १ गतेको बैठकले जेठ २ गते राती १२ बजेबाट अर्को सूचना नभएसम्मका लागि नगरका औषधि पसल बाहेकका सम्पूर्ण प्रकारका पसल, व्यवसाय तथा आवतजावत पूर्ण बन्द गर्ने निर्णय गरेको हो ।

नगर प्रमुख एवम् समन्वय समिति संयोजक दिलीपकुमार राईको अध्यक्षताको बैठकले, निर्माणका क्रममा रहेको सार्वजनिक निर्माण कार्यका लागि आवश्यक ढुंगा, गिट्टी र बालुवा बोक्ने ट्रिपर सरकारले तोकेको स्वास्थ्य सम्बन्धी मापदण्ड पुरा गरेर विहान ६ देखि विहान १० बजेसम्ममात्र सञ्चालन गर्न पाउने कुरा उल्लेख गरेको छ । साथै वन्दलाई कडाईका साथ कार्यान्वय गराउन वडाध्यक्षको अगुवाईमा वडा वडामा वडास्तरीय समन्वय समिति निर्माण गर्दै प्रहरी प्रशासनसँगको सहकार्यमा जनप्रतिनिधिहरु थप सक्रिय वन्ने समेत निर्णय भएको छ ।

तोकिएको यसखाले निर्णय पालना नगरे, नगराएमा तथा बस्तुहरुको कालोबजारी गरेमा कानून बमोजिम कारबाही समेत हुने निर्णय गरिएको छ । यसैबीच, आज नगरपालिका कार्यालयले एक सूचना प्रकाशित गरी नगरपालिका र वडा कार्यालयबाट प्रवाह हुने अत्यावश्यक सेवा बाहेकका सम्पूर्ण सेवाहरु अर्को सूचना नभएसम्मका लागि स्थगित गरेको छ ।

जिल्ला प्रशासन कार्यालयले पुनः १ गते रातीबाट जेठ ११ गते राती १२ बजेसम्मका लागि थप कडाईका साथ निषेधाज्ञालाई निरन्तरता दिने निर्णय गरेको छ ।

नगरमा पछिल्लो पटक स्वाब संकलन गरिएका ४८ जनामध्ये १६ जनालाई कोरोना संक्रमण भएको रिपोर्ट आएपछि संक्रमितको संख्या ६२ पुगेको छ । नगरमा कोरोना संक्रमणबाट आज वडा नम्बर १ मा दम्पत्तीको निधन भएसँगै कुल ६ जनाको ज्यान गएको छ ।

सम्बन्धित खवर

%d bloggers like this:
%d bloggers like this: