नेपालमा कोरोना संक्रमणमा दैनिक नयाँ रेकर्ड कायम हुन थालेको छ । गएको २४ घण्टामा अहिलेसम्मकै धेरै संक्रमित र मृत्युको नयाँ रेकर्ड कायम भएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा १६ हजार १ सय ३१ जनाको पीसीआर र ५७१ जनाको एन्टिजेन परीक्षणमा ७ हजार ६ सय ६० जना संक्रमित भएका छन् । सोही अवधिमा १७७५ जना निको भएको मन्त्रालयले जनाएको छ ।
मन्त्रालयका अनुसार गत २४ घण्टामा ५५ जनाको मृत्यु भएको छ । यो अहिलेसम्मकै धेरै हो । हालसम्म मृत्यु हुनेको संख्या ३ हजार ४१७ रहेको छ ।
नेपालमा अहिलेसम्म ८२ प्रतिशत निको भएका छन् ।
गत २४ घण्टामा काठमाडौंमा २ हजार ७७९, भक्तपुरमा ५१३ र ललितपुरमा ६०१ गरी उपत्यकामा ३ हजार ८९३ जनामा कोरोना संक्रमण पुष्टि भएको मन्त्रालयले जनाएको छ ।
