उदयपुर : उदयपुरको ताप्ली गाउँपालिकामा आगलागी हुँदा १५ लाख बराबरको क्षति भएको छ ।
ताप्ली गाउँपालिका–४ थान पोखरीस्थित हीरा तामाङको घरगोठ जलेर क्षति हुँदा १५ लाख बराबरको क्षति भएको जिल्ला प्रहरी कार्यालय उदयपुरले जनाएको छ ।
आइतबार साँझ तामाङको गोठबाट सल्केको र आगो घरमा समेत लाग्दा घरगोठ दुवै जलेर नष्ट भएको प्रहरीले जनाएको छ । घरगोठ दुवै नष्ट हुँदा घरमा रहेका लत्ताकपडा अन्नपात, नगद २५ हजारसमेत जलेको उदयपुर प्रहरी प्रमुख भीमप्रसाद दाहालले बताए ।
