थ्री नेसन्स कप फुटबलको उपाधि नेपालले जितेको छ । दशरथ रंगशालामा भएको फाइनल खेलमा नेपाल २–१ अन्तरले बंगलादेशलाई हराउदै उपाधि जितेको हो ।
नेपालका लागि सन्जोग राई र विशाल राईले पहिलो हाफमा एक–एक गोल गरेका थिए । बंगलादेशले दोस्रो हाफको अन्तिम तिर गोल फर्काएको थियो । नेपालले नेपाली भूमिमा जितेको यो फुटबलको दोस्रो उपाधि हो ।
यसअघि सन् १९८४ मा नेपालले काठमाडौंमा भएको पहिलो दक्षिण एसियाली खेलकुदका पुरुषतर्फ स्वर्ण जितेको थियो र यसको ३७ वर्षपछि अर्को उपाधि जित्न सफल भएको छ । अन्तर्राष्ट्रिय फुटबलमा नेपालले जितेको यो समग्रमा पाँचौं उपाधि हो ।
