मोरङको रतुवामाईमा नगर स्तरिय राष्ट्रपति रनिङ शिल्ड प्रतियोगिता शुरु हुने भएको छ ।
रतुवामाई नगरपालिकाको आयोजना र सरस्वती माध्यमिक विद्यालयको व्यवस्थापनमा चैत १९ गतेदेखि २१ गतेसम्म प्रतियोगिता सञ्चालन हुने भएको हो । प्रतियोगिताका सबै खेलहरु सरस्वती मावि रतुवामाई ६ कादुपाडाको खेल मैदानमा हुने आयोजकले जनाएको छ ।
तीन दिन सम्म चल्ने प्रतियोगिताकोमा एथलेटिक्सका खेलहरु र भलिबल हुने व्यवस्थापक विद्यालयका शिक्षक दिनेश कुमार बिष्टले जानकारी दिनुभयो ।
प्रतियोगितामा रतुवामाईभित्र रहेका मावि तहका सामुदायिक तथा संस्थागत विद्यालयहरुको सहभागिता रहने पनि शिक्षक बिष्टले जानकारी दिनुभयो ।
