युरोपा लिग अन्तिम १६ को पहिलो लेगमा ओलम्पियाकोसलाई ३–१ ले पराजित गरेपछि आर्सनलका प्रशिक्षक मिकेल अर्टेटाले खराब समयलाई बिर्सेर अघि बढ्नु पर्ने बताएका छन्।
मार्टिन ओडागार्डले गरेको गोलबाट पाहुना टोली आर्सनलले ३४औं मिनेटमा अग्रता लिएको थियो। ५८औं मिनेटमा युसेफ इल अराबीले बराबरी गोल फर्काए। ८०औं मिनेटमा गाब्रियलले विलियानको पासमा गरेको गोलबाट आर्सनलले पुनः अग्रता लियो।
खेल सकिन पाँच मिनेट बाँकी हुँदा मोहम्मदे इलनेले अर्को गोल थपेपछि आर्सनलले पहिलो लेगमा महत्वपूर्ण विजय हासिल गर्यो।
आर्सनल पछिल्लो चार खेलमा अपराजित छ। २१ फ्रेबुअरीमा म्यानचेस्टर सिटीसँग पराजित भएपछि आर्सनलले हारेको छैन। चारमध्ये आर्सनलले एक खेल बराबरी खेलेको छ भने बाँकी तीन खेल जितेको छ। आर्सनल प्रिमियर लिगको दशौं स्थानमा छ।
आर्सनलले अब दोस्रो लेग १८ मार्चमा घरेलु मैदानमा खेल्नेछ।
