काठमाडौं : मिडिया नेपालको राष्ट्रिय भेला बुटवलमा हुने भएको छ।
अध्यक्ष गोपाल पौड्यालको अध्यक्षतामा काठमाडौंमा बसेको केन्द्रीय कार्यसमिति बैठकले फागुन २१ र २२ गते लुम्बिनी प्रदेशको बुटवलमा भेला गर्ने निर्णय गरेको हो।
भेलाका लागि मिडिया नेपालका उपाध्यक्ष श्रीधर सुवेदीको संयोजकत्वमा राष्ट्रिय भेला मूल आयोजक समिति गठन गरिएको छ। समिति सदस्यमा उपाध्यक्ष सूर्य बास्तोला र केन्द्रीय सदस्य पुरु दाहाल छन्।
यस्तै बैठकले आर्थिक व्यवस्थापन समिति, प्रचारप्रसार समिति र महाधिवेशन समन्वय समिति पनि गठन गरेको छ।
