झापामा आगलागीमा परेर एक जनाको ज्यान गएको छ ।
झापा कचनकवल गाउँपालिका वडा नम्बर १ घेराबारीका गोवर्द्धन राजवंशीको घरमा राति सवा एक बजेतिर लागेको आगलागीमा परेर राजवंशीको जलेर घटनास्थलमा नै ज्यान गएको प्रहरीले जनाएको छ ।
घरका अरु सदस्यले भने भागेर ज्यान जोगाएका छन् । आगलागीबाट टिनले छाएको एक तले घर र बासले बनाइएको एक तले कच्ची घर पनि जलेर नष्ट भएको छ ।
आगलागीमा एउटा गाई, दुई वटा बाच्छा र तीन वटा बाख्रा पनि जलेर मरेका जिल्ला प्रहरी कार्यालय झापाले जनाएको छ ।
