नेपाल कम्युनिस्ट पार्टी (नेकपा) को प्रचण्ड–नेपाल पक्षले पात्रोमै नभएको दिन वडा स्तरबाट आन्दोलनको घोषणा गरेको छ ।
प्रधानमन्त्री केपी शर्मा ओलीको कदम विरुद्ध देशभर वडा वडाबाट बिरोध प्रदर्शन र सभा गर्ने घोषणा गरेको छ । दोस्रो चरणको संघर्षका कार्यक्रम अन्तर्गत २०७७ पौष ३० गते देशव्यापी सबैवडाहरुमा बिरोध प्रदर्शन र बिरोध सभ भनिएको छ तर पात्रोमा पौष महिना २९ गतेसम्मको मात्रै रहेको छ ।
शनिबार काठमाडौंमा पत्रकार सम्मेलन गरी पुस २० देखि माघ २३ सम्म चरणबद्ध आन्दोलनको घोषणा गरेको हो । चरणबद्ध आन्दोलनको सूचीमा पौष ३० गते देशव्यापी सबै वडाहरुमा विरोध प्रदर्शन र सभा गर्ने भनिएको छ । तर, पात्रोमा भने पौष ३० गते नै नभएको हो ।