पाेखरा : पोखराबाट एभरेस्ट एफ.एम. ९३ मेघाहर्ज शुभारम्भ गरिएको छ।
नोबेल कोरोना (कोभिड–१९) महामारीकै बीच संचार क्षेत्रमा दुई दशकको अनुभव सँगालेका पोखराका अग्रज संचारकर्मी र उद्यमीसँगको सहकार्यमा सो अनलाइन संचालनमा ल्याइएको हो।
एभरेस्ट मिडिया हाउस प्रा.लि.की अध्यक्ष कर्मकुमारी गुरुङले एफ.एम.को विधिवत रुपमा उद्घाटन गरेकी हुन्।
ब्राह्मण पण्डित र लामा गुरुद्वारा स्वस्ती वाचन गरी एफ.एम.को शुभारम्भ गरिएको हो।
यसअघि, प्रा.लि.मार्फत एभरेस्ट आवाज डट कम न्यूज पोर्टल वेवसाइट प्रकाशनमा आइसकेको छ ।
यसै वर्षभित्र मिडिया हाउसको अर्को संचार माध्यम टिभी संचालनमा ल्याउने मिडिया हाउसका कार्यकारी निर्देशक दीपेन्द्र श्रेष्ठले जनाएका छन्।
एफएम शुभारम्भको अवसरमा गण्डकी प्रदेश मुख्यमन्त्री पृथ्वीसुब्बा गुरुङले शुभकामना दिएका छन्।
