काठमाडौं : प्रधानमन्त्री केपी शर्मा ओलीकी निजी चिकित्सक डा. दिव्या सिंह शाहलाई कोरोना संक्रमण भएको छ ।
चिकित्साशास्त्र अध्ययन संस्थान (आइओएम) को डीनसमेत रहनुभएकी शाहलाई शनिबार कोरोना पुष्टि भएको हो ।
कोरोनासँग मिल्दोजुल्दो लक्षण देखिएपछि त्रिवि शिक्षण अस्पतालकै ल्याबमा पिसिआर परीक्षण गर्दा उनमा कोरोना देखिएको हो । पिसिआर रिपोर्ट पोजेटिभ आएपछि उनी होम आइसोलेसनमा बसेको बताइएको छ ।
शाहको यसबीचमा प्रधानमन्त्रीसँग भेटघाट नभएको बुझिएको छ । प्रधानमन्त्रीको स्वास्थय अवस्था अहिले सामान्य रहेकोले लामो समयदेखि प्रधानमन्त्रीसँग भेटघाट नभएको शाहले जानकारी दिइन् ।
अनसनरत डाक्टर गोविन्द केसीसँग भने शाहको तीन दिनअघि भेट भएको खुलेको छ ।
