राजेन्द्र महतो, लहान
संविधान दिवसको विरोधमा जनता समाजवादी पार्टीका नेता तथा कार्यकर्ताले सिरहाको विभिन्न ठाउँमा प्रदर्शन गरेका छ्न् ।
सिरहाको लहान, गोलबजार, मिर्चैया, सिरहा र कल्याणपुर लगायतका विभिन्न ठाउँमा जनता समाजवादी पार्टीका नेता तथा कार्यकर्ताले विरोध प्रदर्शन गरेका छन् ।
प्रदर्शनकारीहरुले कालो ब्यानर सहित कालो कपडा शरीरमा बाँधेर संविधान जारी भएको आज असोज ३ गतेलाई कालो दिन संज्ञा दिदै विरोध प्रदर्शन गरेका हुन् । जिल्लाका विभिन्न ठाउँमा समाजवादी पार्टीले प्रदर्शन गर्दै कोणसभा गरि कार्यक्रम समापन गरेका थिए ।
विभिन्न ठाउँबाट जानकारी भए अनुसार जसपाको विरोध प्रदर्शन शान्ति पुर्ण तरीकाले भएको बताएका छ्न् । संविधान दिवसको विरोधमा आज साझ ७ बजे ब्लायक आउट समेत गरिएको छ ।
